සබඳකම් දත්ත එකතු කිරීම
“කාගේ කවුද?” කියන ප්රශ්නයට පළමුවෙන්ම මම පිළිතුරු හොයන්න පටන් ගත්තේ මගේ වෙබ් අඩවියෙන්. වෙබ් අඩවියට දත්ත ඇතුළත් කළ විට එම සබඳකම් එකින් එක සම්බන්ධ වන ලෙස මම වෙබ් අඩවිය නිර්මාණය කළා. එමගින් රජවරුන්ගේ අනෙකුත් සබඳකම් විශාල වශයෙන් එකිනෙකට සම්බන්ධ වෙන්න පටන් ගත්තා. එම සබඳකම් විධිමත් අයුරින් ලබාදෙන්න තවත් තාක්ෂණික ක්රම අත්හදා බලන්න තීරණය කළේ මෙම වෙබ් අඩවිය මගින් ලැබුණු සාර්ථකත්වය මත යි.හීනෙ සැබෑ කළ AI Image Generation
මම මුලින්ම AI Image Generation ගැන දැනගත්තේ 2022 වසරේ දී, මගේ හිතවත් මල්ලි කෙනෙකුගෙන්. ඔහු මේ බව මට පැවසූ විට මට දැනුණු සතුට මට අද වගේ මතකයි. ඔහු කී සැණින් මම ඒ ගැන සොයා බැලූවා. මගේ ඇස් අදහාගන්න බැරි වුණා. මගේ හිතේ සතුට උතුරා ගියා. මම බලාපොරොත්තුවෙන් සිටි තාක්ෂණය මට ලැබුණා. එම දැනගැනීමෙන් පසුව විවේකයක් නොමැතිව දිවා රෑ නොබලා මේ පිළිබඳව අධ්යයනය කරන්න පටන් ගත්තා . අද (2025) වන විට මෙම තාක්ෂණය නොසිතූ තරම් වර්ධනයක් වෙලා. මේ තාක්ෂණය සොයාගැනීමට මුල්වූ සියලුම දෙනාට මගේ ප්රණාමය පුදකරන්න කැමතියි. ඔවුන් මගේ "සිතේ ඇඳි රුව" යථාර්ථයක් කරගැනීමට මග පාදා දුන් නිසා. දිගු අධ්යයනයකින් පසුව කෘතිම බුද්ධිය මෙහෙයවීමෙන් මම මගේ ප්රථම රූපය නිර්මාණය කළා. මෙහි දක්වා ඇත්තේ මම නිර්මාණය කළ පළමු රූප පෙළයි.
හෙළ අනන්යතාවය
කෘත්රිම ඡායාරූප නිර්මාණ තාක්ෂණය නිසා "සිතේ ඇඳි රජවරු" යථාර්ථයක් කරගැනීම 75%කින් සම්පූර්ණ වුණා. නමුත් මෙම රූප නිර්මාණයේදී අභියෝග රැසකට මුහුණ දෙන්න වුණා. මෙම තාක්ෂණයෙන් නිර්මාණය කරන බොහෝ රූප ඉන්දියානු ස්වරූපයකට සමානව නිර්මාණය කොට ලබාදීම ඉන් පළමු අභියෝගයයි. එම නිසා හෙළ අනන්යතාවය සහිත රූප නිර්මාණය කිරීම තරමක් අභියෝගාත්මක වුණා. සිතේ ඇඳි රජවරුන්ගේ ස්වරූපය පැහැදිලි කර ලබා දුන්නද ඒවායෙහි නිමාව තුළ හෙළ අනන්යතාවය දක්නට ලැබුණේ නෑ. ඒ නිසා මම මට අවශ්ය රූපය Adobe Photoshop මෘදුකාංගය මගින් නිර්මාණය කරනු ලැබුවා. ඉන්පසු එම රූපය මූලික කොට ගෙන සිතේ ඇඳි රූපය නිර්මාණය කිරීමට කෘත්රිම බුද්ධිය හැසිරෙව්වා. එමගින් මට අවශ්ය හෙළ අනන්යතාවය ලබාගැනීමට හැකියාව ලැබුණා.
ඇඳුම් පැළදුම් හා ආභරණ
මෙහිදී ද කෘත්රිම බුද්ධිය විසින් නිමවා දෙන ලද්දේ ඉන්දියානු ආභාෂය සහිත ඇඳුම් පැළඳුම් ය. තව ද අපේ අවසාන රාජධානි කිහිපයේ රජවරු හැරුණු කොට අනෙකුත් සියලූම රජවරු පාහේ උඩුකය වැසෙන සේ ඇඳුම් ඇන්දේ නැත. සළුවක් හෝ ඒ හා සමාන රෙද්දක් මගින් උඩු කය යන්තම් ආවරණය කරගෙන තිබේ. කෘත්රිම බුද්ධි තාක්ෂණය ආශ්රයෙන් පුද්ගල රූප නිර්මාණයේදී උඩුකය නිරුවත් රූප නිර්මාණය කිරීම තරමක් අපහසු ය (Policy Issues). ඒ වෙනුවෙන් ද විකල්ප ක්රියාමාර්ග ගැනීමට සිදුවිය.වයස තීරණය කිරීම
මෙහි සියලූම රජවරුන් පාහේ නිර්මාණය කළේ එම රජවරුන් රාජ්යත්වයට පත් වූ වයස මූලික කොටගෙන ය. මෙහි තවත් අභියෝගයක් වූයේ රජවරුන්ගේ වයස තීරණය කිරීම යි. අපගේ මූලාශ්ර තුළ රජවරුන්ගේ සැබෑ වයස සඳහන් කර ඇත්තේ ඉතාමත් අල්ප වශයෙනි. එම නිසා මේ පිළිබඳව අධ්යයනය කොට අනුමානයන් මත පිහිටා රූප නිර්මාණය කළෙමි. එම රූප නිර්මාණය කිරීමේදී පෙර රජු, රජුගේ රාජ්ය කාලය, ඔහුගේ දරුවෙක් ද සහෝදරයෙක් ද නැතහොත් පිටස්තර පුද්ගලයෙක් ද යන වග සොයා බැලිණි. තව ද එම එක් එක් රජු රජකම් කළ කාලය ද සැලකිල්ලට ගැනිණි. මෙවැනි බොහෝ කරුණු එකතු කොට එමගින් නිගමනයකට පැමිණ රජවරුන්ගේ වයස තීරණය කරන ලදී.ස්වරූපය තීරණය කිරීම
මෙහිදී මූලික කරුණු කිහිපයක් කෙරෙහි මගේ අවධානය යොමු විය. ඉන් ප්රධාන කරුණ නම් දැනට රජවරුන්ගේ රුව ඇඳ ඇති සිතුවම් අධ්යයනය කිරීම යි. මේ වන විට ප්රධාන වශයෙන් රජවරු කිහිපදෙනෙකුගේ පමණක් රූප හඳුනාගෙන ඇත.
රාජ නාමයන් හි ඇති ඉඟි
සැලකිල්ලට ගත් දෙවන කරුණ නම් ඉතිහාසයේ මූලාශ්රවල සඳහන් රජවරුන්ගේ ස්වරූපය හඟවන ඉඟි අධ්යයනය කිරීම යි. එමගින් රජවරු විශාල පිරිසකගේ ස්වරූපය අනුමාන කිරීමට මට හැකියාවක් ලැබිණ. උදාහරණ කිහිපයක් පහත දැක්වේ.සැලකිල්ලට ගත් වෙනත් කරුණු
රජුන් බලයට පත් කළ සෙනෙවිවරුන්ගේ රූප රජු සමග ඇතුළත් කිරීම