තම්මැන්නා නුවර
උපතිස්ස නුවර රාජධානිය
අනුරාධපුර රාජධානිය
චෝළ පාලනය
රුහුණු රාජධානිය
පොළොන්නරුව රාජධානිය
දඹදෙනිය රාජධානිය
යාපහුව රාජධානිය
කුරුණෑගල රාජධානිය
ගම්පොල රාජධානිය
කොට්ටේ රාජධානිය
සීතාවක රාජධානිය
මහනුවර රාජධානිය
පෘතුග්‍රීසි පාලනය
ලන්දේසි පාලනය
ඉංග්‍රීසි පාලනය
සිලෝන් අධිපතීන්
49
භාතික තිස්ස රජතුමා
අනුරාධපුර රාජධානිය
ක්‍රිව 140 - ක්‍රිව 164
භාතික තිස්ස රජතුමාගේ මූලාශ්‍ර සහිත පරම්පරා සටහන සමග අපේ රාජ වංශයේ සියලුම රජවරුන්ගේ ක්‍රමානුකූලව නිර්මාණය කළ පරම්පරා සටහන් අධ්‍යයනය කිරීම සඳහා වර්ණවත් පිටු 650කින් සමන්විත "මහාවංස ප්‍රදීපිකාව" ග්‍රන්ථය ඔබත් අදම ලබාගන්න.

📞 දුරකථන: 0701 400 300
💬 WhatsApp: 0711 400 300

වැඩිදුර විස්තර සඳහා
King Bhathika Thissa රාජ්‍ය නාමය : භාතික තිස්ස රජතුමා
රාජවංශය : පළමුවන ලම්බකර්ණ
රාජධානිය : අනුරාධපුර රාජධානිය
රාජ්‍ය කාලය : ක්‍රිව 140 - ක්‍රිව 164

මහලුනා රජුට පුත්‍රයෝ දෙදෙනෙක් වූහ. භාතියතිස්ස හා කණිට්ඨතිස්ස යනු එම කුමරුවෝ වෙති. පිය රජුගේ ඇවෑමෙන් වැඩිමහලු භාතියතිස්ස කුමාරයා රජකමට පත්විය. ඔහු මේ නමින් පෙනී සිටින දෙවැනි රජු බැවින් දෙවන භාතියතිස්ස වශයෙන් ඉතිහාස ලේඛකයන්ගෙන් නම් ලබා ඇත. භාතිය විශේෂණය ලැබී ඇත්තේ සිය කණිටු සොයුරු කණිටුතිස් කුමරුගේ සහෝදරයා වූ හෙයිනැ යි වංසකථාව දක්වයි. සෙල්ලිපිවල මේ නම ඛතියමහරජ, නකමහරප්හපුත, තිසමහරජ, බතිකරජ, බතියරජ, ඛතියතිසමහරජ ආදී වශයෙන් සටහන් වී තිබේ. මේ දෙදෙනා නිවුන් සහෝදරයන් හැටියට සැලකිය හැකි ය.
 
මහාවිහාරය වටා ප්‍රාකාරයක් ඉදිකරවීම මේ රජුගේ කටයුතු අතරට එක් වී තිබේ. නාගදීපයේ පලුදාගෙය ද ගවරතිස්ස විහාරය ද භාතියතිස්ස විහාරය ද ථූපාරාමයේ පොහොය ගෙය ද මේ රජුගේ කෘති වේ. රන්ධකණ්ඩක නම් වැවක් ද මේ රජු විසින් සාදන ලද නමුදු මේ කිසිවක් හඳුනා ගෙන නැත. මාමිණියා වැව ද මේ රජුගේ කෘතියක් බව රාජරත්නාකරයේ දැක්වේ. මහාවංසයේ දැක්වෙන ගාමිණිවාපිය ද මෙය ම විය යුතු ය.
 
භාතියතිස්ස රජුගේ යුගයට අයත් සෙල්ලිපි නවයක් උතුර නැගෙනහිර යන පළාත් ඇතුළු විවිධ ප්‍රදේශවලින් ලැබී ඇත. මෙයින් වෙල්ගම විහාර ලිපියෙන් එම පූජනීය ස්ථානය අඛගරව්හර (අභයගිරි විහාරය) නමින් හඳුන්වා තිබේ. මේ වූකලී වර්තමාන ත්‍රිකුණාමලය දිශාවේ පිහිටි වෙල්ගම් විහාරය යි. මේ පුදබිම පිහිටි නැගෙනහිර දෙස භාතියතිස්ස රජුගේ කාලයේ ඔහුගේ ඇමතියකු වූ අභය සේනාපති විසින් පාලනය කරන ලදී.
 
ලිපියේ සඳහන් පූජාව කරන ලද්දේ ඔහු විසිනි. නෙළුගල ලිපිය දිගු ලිපියකි. මාදුරුඔයේ දකුණු ඉවුරට අයත් පෙදෙසේ මඩකලපු දිශාවේ පෙරිල්ලාවලි වසමේ පිහිටි පුදබිමක ගල්තලයේ කොටා ඇති මේ ලිපිය වැදගත් ඓතිහාසික තොරතුරු සපයන්නකි. පියගලක අහලිපවත නම් වූ පූජනීය ස්ථානයට වඩමනක අහලවිය (වර්තමාන වඩුමුනේවැව) ඇතුළු පූජාවන් රැසක් කරන ලද බව ලිපියේ දැක්වෙයි. අනෙක් ලිපිවලින් ද කියැවෙන්නේ මේ රජුගේ කාලයේ දී කරන ලද පුද පූජා විස්තර වේ. එහෙත් මේ ලිපිවලින් වැදගත් කරුණක් අර්ථවත් වෙයි. එනම් භාතියතිස්ස රජුගේ කාලය සාමකාමීව ජනතාවත්, රජුත් ආගමික කටයුතුවල යෙදෙමින් දැහැමිව විසූ බවයි. මේ අන්දමට පැවතීමට රටේ ආර්ථික සංවර්ධනය ද දියුණු වී පවතින්නට ඇත. ජනතාව අවුල් වියවුල්වලින් මිදී තෘප්තිමත් ජීවිතයක් ගත කළා විය යුතු ය. භාතියතිස්ස රජුගේ රාජ්‍ය කාලය සූවිසිවසක් විය.

පූජ්‍ය එල්ලාවල මේධානන්ද හිමි 
මුල්පිටුව | රාජධානි | යටත්විජිත | රාජවංශ | රජවරු | මහාවංස ප්‍රදීපිකාව | අපි ගැන | අමතන්න
© www.mahawansaya.com සියලුම හිමිකම් ඇවිරිණි. 2009 / 2026 පිටපත් කිරීම හා අනවසරයෙන් භාවිතා කිරීම තහනම්